Xiaomi şirkəti, Xiaomi Youpin platforması əsasında yeni ağıllı külqabı Pule üçün kraudfandinqə başladı. Bu cihaz siqaret çəkilən qapalı məkanlarda havanın keyfiyyətini yaxşılaşdırmaq və passiv tüstünün zərərli təsirləri ilə mübarizə üçün nəzərdə tutulmuşdur.
Pule külqabısı, tərkibində nikotin, qətran və formaldehid kimi zəhərli maddələr olan passiv tüstünün zərərini azaltmağa kömək edir. Bu maddələr müxtəlif xəstəliklərə səbəb ola və havanın keyfiyyətini pisləşdirə bilər. Havalandırma və ya sadə filtrlər kimi ənənəvi üsullar çox vaxt bu işin öhdəsindən gələ bilmir. Pule qabaqcıl təmizləmə sistemi ilə bu problemi həll edir.
Ağıllı külqabı dörd qatlı təmizləmə sistemi ilə təchiz olunub. Buraya plazma generatoru, kompozit su filtri, H12 HEPA filtri və aktivləşdirilmiş karbon qatı daxildir. Plazma generatoru xoşagəlməz qoxulara görə cavabdeh olan molekulları məhv etməyə kömək edir və mikrobları öldürür. Kompozit su filtri və aktivləşdirilmiş karbon tüstüdəki nikotin və digər zərərli maddələri içinə çəkir. Xüsusi lifli şəbəkə qatranı götürərək təmizləmə prosesini daha da effektiv edir.
Külqabıda eyni zamanda maqnitli şarj və daxili batareyaya var ki, bu da cihazın tez-tez şarj etmədən uzunmüddətli işləməsini təmin edir. Onun elementlərini təmizləyə və təkrar istifadə etmək olar, bu da texniki xidmət xərclərini azaldır və külqabının xidmət müddətini artırır. Hərəkətli külqabı qapağına batareyanın az olduğunu göstərən və əlavə işıqlandırma təmin edən gizli işıq zolağı daxildir.
Pule smart külqabının qiyməti 199 yuandır (təxminən 46 manat). Hələlik o, yalnız Çin platforması olan Xiaomi Youpin-də mövcuddur, lakin gələcəkdə onun beynəlxalq bazarlara çıxışı gözlənilir.