Dünyanın ən məşhur messencerlərindən biri olan WhatsApp milyonlarla istifadəçini şad etməyə hazırlaşır-əlavə artıq iPad cihazında istifadə üçün əlçatan olacaq.
WhatsApp’ın iPad üçün əlavəsinin qarşıdan gələn relizi haqqında WABetaInfo saytında məlumat verilib. İPad istifadəçiləri yaxın gələcəkdə messencerdən planşet vasitəsilə istifadə edə biləcəklər, bu isə ünsiyyəti daha rahat edəcək.
Son məlumata görə WhatsApp, TestFlight beta-testing proqramından əlavənin yeni, 23.19.1.72yə qədər iPadla uyğun olan versiyasını buraxıb.
WhatsApp messencerini iPad’ınızda işə salmaq üçün sizə əlavənin İOS üçün olan beta-versiyasını iPhone və iPad’ınıza yükləmək lazımdır. Bundan sonra iPad’ınızın qoşulması üçün WhatsApp’da “əlaqələndirilmiş cihazlar” funksiyasından istifadə etmək lazımdır. Bundan sonra siz, telefonunuzun internetə qoşulmasından asılı olmayaraq WhatsApp messencerindən planşetinizdən istifadə edə biləcəksiniz.
WhatsApp’ın iPad üçün relizi yaxın aylarda gözlənilir və bu, ünsiyyət üçün böyük ekranlara üstünlük verənlər üçün xoş bir xəbər olacaq.